Overblog Follow this blog
Edit post Administration Create my blog
Shri Khatu Shyam Ji Temple | Story of Khatu Shyam

Kai Chamatkaro Ka Sakshi Hai Khatu Shyam Dham

Mahabharata Yani manav itihaas ke bhayankar yuddhon mein se ek ghatana, jisane na keval praacheen bhaarat ka vartamaan badala, balki bhavishy kee buniyaad bhee isee yuddh ne rakhee. svasth va khushahaal samaaj ke lie jarooree hai ki yuddh kabhee na hon. bhagavaan krshn ne bhee bahut prayatn kie the ki mahaabhaarat ka yuddh na ho parantu aisa ho na saka. yuddh kee shuruaat se pahale unhen ek aisa veer bhee mila tha, jo yuddh mein shaamil hota to na keval paandavon kee vijay sankat mein pad jaatee, balki vah isaka nateeja hee badal deta. padhie aise hee ek veer kee kahaanee... 

Mahabharata ke is veer ka naam barbareek hai jo ghatotkach ka putr tha. barbareek bahut bahaadur aur apane siddhaanton par atal rahane vaala tha. usane bhagavaan shiv aur maan durga kee tapasya kee thee. tapasya ke baad use teen abhedy baan praapt hue jo poore vishv ka sanhaar kar sakate the.

barbareek ka sankalp tha ki vah apanee shakti se sadaiv kamajor logon ka paksh lega aur unhen vijayee banaega. jab Mahabharat kee ranabheree bajee to vah bhee apane rath par savaar hokar aa gaya, lekin yahaan bhee vah apanee pratigya par adig raha. yah baat jab Krishna ko maaloom huee to ve bahut chintit hue.

Bhagwan Shri krishna chahate the ki saty kee raksha ke lie paandav hee is yuddh mein vijayee hon. choonki kauravon kee haar tay thee. aise mein agar barbareek yuddh mein shaamil hota to vah unaka paksh le sakata tha. isase paandavon kee vijay sankat mein pad jaatee. Krishna barbareek kee ek aur baat bhee jaanate the.

Vah baat thi - barbareek kee daanasheelata. vah apane dvaar par aae yaachak ko kabhee mana nahin karata tha. tab bhagavaan krshn ne braahman ka vesh banaaya aur usase teen baanon ka rahasy poochha. barbareek ne kaha, main in teen baanon se yuddh mein upasthit samoochee sena ko samaapt kar sakata hoon. krishna ne use yah baat saabit karane kee chunautee dee.

barbareek unhen najadeek hee sthit peepal ke ek vrksh ke paas le gaya. vahaan bhagavaan krshn ne peepal ka ek patta todakar apane pair tale chhupa liya. idhar barbareek ne teer chalaaya aur vrksh ke sabhee patte chihnit ho gae. usane doosara teer chalaaya to sabhee patte teer se bindh gae. yahaan tak ki jo patta krishna ke pair tale tha, teer use bhee beendhane chala gaya. barbareek ne unase pair hataane ke lie nivedan kiya.

pair hataane ke baad teer ne patte ko beendh diya. yah dekhakar krshn chintit hue, kyonki is tarah to barbareek sabhee yoddhaon ko ek hee kshan mein yamalok pahuncha sakata tha. tab krishna apane vaastavik svaroop mein aae aur barbareek se daan mein usaka sheesh maang liya. barbareek ne behichak unakee baat maan lee, lekin ek ichchha bhee jataee.

barbareek ne unake divy svaroop ke darshan kee ichchha jataee jo krshn ne pooree kee. usane sampoorn yuddh dekhane kee bhee ichchha vyakt kee. krishna ne yah maang bhee sveekaar kar lee. phaalgun shukla ekaadashee kee pooree raatri ko barbareek ne bhagwan krishna ka dhyaan kiya aur dvaadashee ko unhen apane sheesh ka daan kar diya. yah sheesh amrt se seencha gaya aur isane sampoorn yuddh dekha. yuddh samaapti ke baad jab paandavon mein is baat ko lekar bahas huee ki kis veer kee vajah se yah vijay milee hai to krishna ne unhen isaka nirnay karane ke lie barbareek ka naam sujhaaya. kyonki usee ne sampoorn yuddh dekha tha.

pandav barbareek ke paas gae aur usase apane savaal ka javaab jaanana chaaha. tab barbareek ne kaha, mujhe to yuddhabhoomi mein sarvatr bhagavaan krshn ka sudarshan chakr hee najar aa raha tha. shesh veer to nimitt maatr the. bhagawan krishna barbareek kee daanasheelata, sachchaee aur nishpakshata se bahut prasann hue. unhonne barbareek ko apana shyam naam varadaan mein de diya. saath hee kaliyug mein isee naam se poojit hone ka aasirwaad bhee diya.

rajasthan mein sikar jile ke khatu shyamji mein baba shyam ka mandir hai. yahaan desh-videsh se roj kaaphee sankhya mein shradhalu aate hain. phalgun maah kee ekadasi ya dvadasi ko vishal mela bharta hai jisme lakhon shradhalu baba shyam ke darshan karate hain. shekhawati, haryana aur anek sthaanon se phalgun maah mein log baba shyam ka nishaan (pavitr dhvaj) lekar khatu aate hain. bhakton ka drdh vishvaas hai ki baba shyam apni kripa se un kaaryon ko bhee sambhav bana dete hain jinhen duniya bahut mushkil ya asambhav maanatee hai.

Share this post

Repost 0

Comment on this post